நா

தமிழ் மென்பொருட்கள் பாஸ்வேர்டை திருடுகின்றன. ஆனால் அந்த மென்பொருட்கள் எதுவென்று நீங்களாகவே ஜோஸ்யம் பார்த்துக் கண்டுக்கோங்க என்று வந்த இடுகைச் செய்தியால் தமிழ் வலையுலகமே (கொஞ்சப் பேர் தானுங்க..தமிழ்ல இத உயர்வு நவிற்சி என்பாங்க) ஆடிப்போய் பீதிபிடித்திருந்து. இவ்வாறான பரபரப்புகளை என்னென்ன வழியில் ஏற்படுத்தலாம் என சில ஐடியாக்கள் இதோ...

ஐடியா நம்பர் 1. தமிழ் வலைப்பதிவுகளைத் திரட்டும் திரட்டி ஒன்று நீங்கள் இடும் இடுகைகளைத் திரட்டும்போது உங்களது அக்கவுண்ட் பெயரையும், பாஸ்வேர்டையும் சேர்த்துத் திரட்டுகிறது. நான் அத்திரட்டியின் பெயரைக் குறிப்பிட விரும்பவில்லை. எனினும் அத்திரட்டி தகர வரிசையில் ஆரம்பிக்கும் பெயரைக் கொண்டது. எனவே அத்திரட்டியிலிருந்து உங்களது பதிவை நீக்குமாறு கோருகிறேன். நீக்காது விட்டுவிட்டு பின்னர் "குய்யோ, முறையோ" என கலங்கிநின்றால் அதற்கு நான் பொறுப்பல்ல.

ஐடியா நம்பர் 2. நீங்கள் அடிக்கடி பார்வையிடும் வலைப்பதிவு ஒன்று, அதை நீங்கள் பார்வையிட்ட பின்பு நீங்கள் உலாவியில் பயன்படுத்தும் அக்கவுண்ட் பெயர்கள், கடவுச்சொற்கள் மற்றும் வங்கி கணக்கிலக்கங்கள் போன்றவற்றை உங்கள் கீபோர்டின் கீஸ்றோக்குகளை வைத்து திருடுகிறது. அந்து வலைப்பதிவை மூடினாலும், Cache மற்றும் Cookies களில் தொடர்ந்து நின்று இந்த செயலை செய்வதை நான் கண்கூடாகப் பார்த்திருக்கிறேன். அவ்வலைப்பதிவு எதுவென நீங்கள் கேட்டாலும் சொல்லமாட்டேன். ஆனாலும் உங்கள் நன்மைக்காக- அதன் முகவரி .blogspot.com என முடிவதுடன் தமிழ் எழுத்துக்களையும் தன்னகத்தே கொண்டுள்ளது. இதற்குத் தீர்வாக இணையத்தொடர்பு இல்லாத கணினியிலிருந்து ஒரு நோட்பாட்டில் உங்கள் அக்கவுண்ட் பெயர்கள், பாஸ்வேர்டுகள் மற்றும் வங்கி இல்க்கங்களை தட்டச்சி சேமித்து உங்கள் கணினியில் வைத்துக்கொள்ளுங்கள். இணையத்தொடர்புள்ள கணினி எனின் அப்போதே உங்கள் அக்கவுண்ட் பெயர்கள், பாஸ்வேர்டுகள் மற்றும் வங்கி இலக்கங்களை திருடிவிடுவார்கள்.

ஐடியா நம்பர் 3. Google கம்பனியில் நீண்ட காலமாக வேலை செய்யும் எனது நண்பர் ஒருவர் (அவர் தனது பெயரை வெளிப்படுத்தவேண்டாம் எனக் கூறியிருக்கிறார்), தமிழ் வலைப்பதிவுகளின் எண்ணிக்கை மற்றும் அவற்றின் தரம் வேகமாக அதிகரித்துச் செல்லவதாகவும், அவற்றில் அலசி ஆராயப்படும் கருத்துக்களால் தெளிவுபிறந்து தமிழர்கள் உலகை கொண்டுநடத்தும் நிலைக்கு வந்துவிடுவார்களோ எனப் பயந்து ஒவ்வொரு நாளும் ஏதாவதொரு தமிழ்ப்பதிவை தெரிவுசெய்து வலையுலகத்திலிருந்தே நீக்குகிறார்கள் எனக் கூறியிருந்தார். இதற்கு எந்தப் பதிவை நீக்கவேண்டுமென, தமிழ் எழுதுபொருள் ஒன்று கூகுளுக்கு உதவுவது எனக்குத் தெரியும். உங்களுக்கும் தெரியும் என நினைக்கிறேன். தமிழச்சியின் பதிவும் இவ்வாறு கூகுளால் நீக்கப்பட்டதொன்றே எனக்கூறுகின்றேன். இதற்குத் தீர்வாக யாரும் ஜீமெயிலையோ, புளெக்கரையோ பாவிக்கவேண்டாமெனக் கேட்கிறேன்.

ஐடியா நம்பர் 4. பயர்பாக்ஸ் உலவியைப் பாவிக்கும்போது உங்களது வெப்காமினது இணைப்பை கணினியிலிருந்து கழற்றிவிடுங்கள். பயர்பாக்ஸ் உலாவியானது வெப்காம் on இல் இருந்தால், உங்களை வீடியோ செய்து அமெரிக்காவில் இயங்கும் செக்ஸ் பற்றிய வீடியோக்களைக் கொண்ட இணையத்தளமொன்றுக்கு விற்றுவிடுகிறது. எனது நண்பர்கள் இருவர் (அவர்களும் வலைப்பதிவு வைத்தருக்கிறார்கள் எனினும அவர்களின் பெயரை நான் கூறுவது நட்புக்குச் செய்யும் துரோகம்) அவ்விணயத்தளத்தில் தங்கள் வீடியோவைக் கண்டு தற்கொலைக்கு முயற்சித்தது போல் நீங்களும் செய்யவேண்டாம்.

ஐடியா நம்பர் 5. நீங்கள் திரட்டிகளினூடு ஒவ்வொரு வலைப்பூவாக வாசிப்பவரா? அவதானம்! தமிழ்ப்பதிவுகளின் திரட்டி ஒன்று நீங்கள் அதிக நேரம் கணினியில் இருப்பவர்களா எனக்கண்டறிந்து, உங்கள் IP address இனை வைத்து உங்க இடத்தைக் கண்டுபிடித்து அங்கே தங்கள் ஆட்களை அனுப்பி வீட்டிலுள்ள பொருட்களை களவாடுகிறது. நீங்கள் கணினியில் இருக்கும்போதே மற்ற அறைகளுக்குள் புகுந்து பொருட்களை வழித்துச் சென்றுவிடுகிறார்கள். அவர்களுக்கு எல்லா நாடுகளிலும் ஆட்கள் இருப்பதாக அறிகிறேன். ரொம்ப ஜாக்கிரதையா இருங்க.

இவற்றுக்கு எதிர்ப்பரபரப்பை ஏற்படுத்த விரும்புவோர், இப்பதிவை இட்டது நானாக இருந்தால் "கௌபாய்மதுவுக்கு மூன்று கேள்விகள்", "கூகுளில் வேலைசெய்யும் கௌபாய்மதுவின் நண்பனுக்கு நான்கு கேள்விகள்","தகரத்தில் ஆரம்பிக்கும் திரட்டிக்கு ஐந்து கேள்விகள்" என ஒரே நேரத்தில் பல இடுகைகளை இட்டு அசத்தலாம்.

பி.கு: தகர வரிசை என்பது த, தா, தி, தீ,........, தௌ என பன்னிரெண்டு எழுத்துக்களுமாகும்.

முக்கிய குறிப்பு: வாசகர்களே, இது யாரையும் புண்படுத்தும் நோக்கில் எழுதப்பட்டதல்ல. சும்மா ஒரு ஜாலிக்காக பதிகிறேன். ஒருவரது இடுகைக்கு நையாண்டியான பதிவிடுவது ஒன்றும் புதிதல்லவே. இப்பதிவு எல்லை மீறியிருக்கிறது என நீங்கள் நினைத்தால் பின்னூட்டமிடுங்கள்..நீக்கிவிடுகிறேன் - கௌபாய்மது

 
இடுகை பிடித்தால் மேல்க்கையிலும், பிடிக்காவிட்டால் கீழ்க்கையிலும் சொடுக்கிவிட்டுப் போங்கோ

9 பின்னூட்டங்கள்.

பகீ March 31, 2008 at 10:33 AM

சூப்பர்............ :))

எப்பிடிங்க உங்களால மட்டும்???????

Anonymous March 31, 2008 at 12:15 PM

:) மகிழ்ச்சி/சிரிப்பு

முரளி கண்ணன் March 31, 2008 at 2:22 PM

:)):)):)):)):))

நிமல்/NiMaL March 31, 2008 at 3:03 PM

நீங்கள் சொன்ன 'உண்மைகளுக்கு' நன்றி...

:))

theevu March 31, 2008 at 3:56 PM

பார்த்துப்பா உண்மைன்னு நெனச்சுடப்போறாங்க...:(

Anonymous March 31, 2008 at 10:09 PM

:) மகிழ்ச்சி/சிரிப்பு
:)) வெடிச்சிரிப்பு

கௌபாய்மது April 1, 2008 at 10:41 AM

வாங்கோ பகீ, முரளி கண்ணன், நிமல், தீவு,

ஐயையோ இது சும்மா ஜாலிக்காகத்தான், உண்மையில்லேங்கோ.

கௌபாய்மது April 1, 2008 at 10:42 AM

வாங்கோ பெயரிலிகளே,

பின்னூட்டத்தில குறியீட்டை மட்டும் கொப்பிபண்ணி போடுங்கோ :)

Anonymous August 26, 2008 at 6:22 PM

நீங்களும் பின்னூட்டமிடுங்கோ