தேவையான பொருட்கள் :-
உழுத்தம் பருப்பு 100 கிராம்

மாவு 1/2 கிலோ
தே.எண் or ம.க.எண் 1/2 போத்தல்
உப்பு 1 மே கரண்டி
காலிமிரிஸ் 3 தே.கரண்டி
பெ,சீரகம் 1 தே.கரண்டி
கறிவேப்பிலை 15 நெட்டி

உழுத்தம் பருப்பை 2 மணி நேரம் உறவைத்துப் பின் வடித்துக் கொள்ள வேண்டும். மாவை அரித்து அதனுள் உப்பைச் சேர்த்து நன்றாகக் கையால் சேர்க்கவேண்டும். கறிவேப்பிலையை சிறுதுண்டுகளாக நறுக்கி வைத்துக் கொள்ளவேண்டும். கறிவேப்பிலை, மிளகாய்த்தூள், பெ.சீரகம் மூன்றையும் மாவுடன் சேர்த்து நன்றாகக் கலக்க வேண்டும். பின்பு உழுத்தம் பருப்பைச் சேர்த்து நன்றாகப் பிசைந்து கலக்க வேண்டும். ரொட்டிப் பதம் வரும்வரை அடித்துக் குழைக்கவேண்டும். அதன்பின்பு லட்டு உருண்டையளவு உருட்டி ஒரு தட்டில் போடுங்கள். பிளாஸ்ரிக் மூடி (வடையளவு) ஒன்றை எடுத்து அதன் மேல் துளி எண்ணை பூசி உருண்டையை வைத்து இரு கைப் பெருவிரல்களால் தட்டையாகச் செய்யவேண்டும். செய்யும்போது வலது பெருவிரலால் எண்ணையில் தொட்டு உருண்டை மேல் தொட்டுவிட்டுத் தட்டையாக்கினால் சுகமாகத் தட்டுப்படும். தட்டியதை ஓர் தட்டில் ஒன்றுடன் ஒன்று முட்டாமல் வைக்கவேண்டும். முழுவதும் செய்த பின்பு தாச்சியில் எண்ணையை விட்டு மொறுகல் நிலை வரும்வரை பொரித்து எடுக்கவும். (சாமான்கள் போடும் போத்தல்களின் மூடி நல்லது) உப்பு, உறைப்பு போதாது விட்டால் அடுத்த தடவை செய்யும்போது கூடுதலாகச் சேர்க்கலாம். தந்த அளவில் அரைவாசியையும் முதலில் செய்யலாம். உப்பு மேசைக்கரண்டியால் மிகவும் கும்பலாக எடுக்கவேண்டாம்.
நன்றி.

பி.கு : பதிவர் சந்திப்பு இரண்டின்போது வழங்கப்பட்ட பருத்தித்துறை வடையை அம்மாதான் செய்வதாக இருந்தா. ஆனால் அவசரமாக ஊர் செல்லவேண்டிய தேவை அம்மாக்கு. என்ன செய்வது என்று யோசித்துவிட்டு இறுதியில் நாங்கள் செய்வதாக முடிவெடுத்தோம். தொடரூந்திற்கு நேரம் நெருங்கி விட்டிருந்த நேரத்தில் அவசர அவசரமாக அம்மா ஒரு காகிதத்தில் எழுதித்தந்ததுதான் இந்த வடை சுடும் முறை. வடைசுடுவதில் நான் பங்கெடுக்கவில்லை அந்தப் பதிவர் சந்திப்பின் அதிகார பீட உறுப்பினர்களில் ஒருவராக நான் இருந்ததால் வேலை அதிகம் இருந்தது. அண்ணா மதுவர்மன்தான் பங்கெடுத்தார்.

இந்த வடை சுடும் முறையை ஒவ்வொரு முறையும் வாசிக்கும் போது சந்தோசமும், சிரிப்பும் வரும்.

பிரியமுடன்,
மதுவதனன் மௌ | cowboymathu

கேள்விகளினூடு தெளிவு பிறக்கிறது. கேள்விகளினூடு மாயைகள் உடைகின்றன. கேள்விகளினூடு எம் இருப்பிற்காக அர்த்தத்தை உறுதிப்படுத்துகின்றோம். ஆப்பிள் ஏன் கீழே விழுகிறது? அருவமானதை ஏன் அவன் என்கிறோம்? போன்ற கேள்விகள் இருப்பிற்கான தேடல்களுக்கு விடை தருகின்றன.

கேள்விகளினூடு புதிய விடைகளைக் கண்டுபிடிப்பதொருபுறம் இருக்க, எமக்குச் சார்பான விடைகளுக்காக கேள்விகள் கேட்பதும் எமது வளத்துக்கான படியாகின்து.

மனிதன் சமூக விலங்கு. வாழுமிடமெல்லாம் இன்னொருவருடனான தொடர்பாடல் தொடர்கின்றது. தொடர்பாடலில் வெற்றி பெறுவதில் தங்கியிருக்கிறது எங்கள் உயர்ச்சி. வீட்டில் அப்பாவிடம் காரணம் கூறி காசு பெறவும், பாதகமின்றி கணவன் மனைவிக்கிடையில் பிரச்சினைகளைத் தீர்ப்பதிலும், நேர்முகத்தேர்வொன்றில் வெற்றி பெறவும், நாடுகளுக்கிடையான பேச்சுவார்த்தைகளிலும் சாதகமான பதில்களுக்கான சரியான கேள்விகளே வெற்றிபெறச்செய்கின்றன.

மொழிப்புலமை, அதியுயர் அறிவுத் திறமையான கேள்விகளை விடுத்து அடிப்படையான கேள்விகளிலிருந்து ஆரம்பியுங்கள்.

கணினி சம்மந்தமாக உங்களுக்கு என்னென்ன தெரியும் எனக்கேட்பதை விடுத்து, உபுண்டுவில் வேலை செய்திருக்கிறீர்களா, ஜாவா மொழி தெரியுமா, இணைய வடிவமைப்பில் எத்தனை வருடம் வேலை செய்திருக்கிறீர்கள் போன்றன உங்களுக்கான விடையை சிறப்பாகப் பெற்றுத்தரும்

எதிராளியின் கேள்விகளோ அல்லது பதில்களோ சிலவேளைகளில் எம்மைப் பொறுமை இழக்கச் செய்யும், கோபத்தைத் தூண்டும். அந்நேரங்களில் உணர்ச்சிவசப்பட்டு பேச ஆரம்பிக்காதீர்கள். உங்களுக்கான விடையை இழைக்கும் சந்தர்ப்பம் இங்கே அதிகம்.

சாடைமாடையாக அறிந்ததை வைத்து கேள்விகள் கேட்காதீர்கள். இப்போது தொலைபேசி வரை இணையம் வந்துவிட்டது. கட்டாயம் அவ்விடயம் பற்றி கேள்வி கேட்கத்தான் வேண்டுமெனின் தொலைபேசியூடாக கூகுள் செய்யுங்கள். அறிவைப் பெறுங்கள். பிறகு கேளுங்கள்.

எதிராளிக்கு நீங்கள் அமையாக தோற்றமளிக்கும்போது, உங்கள் கேள்வியின் மீதான விடையை சிறப்பாகச் சொல்லவேண்டும் என்று மனநிலை உருவாகும். கேள்வி சம்மந்தமான நிறைந்த அறிவும் உங்களுக்கு இருப்பதான தோற்றைத்தை அது உண்டாக்கும். எதிராளியின் மறு கேள்விகளுக்காக இயலுமானவரை சிந்தித்துப் பதிலளியுங்கள்.

எதிராளியை கீழ்த்தரமாகவோ, கேள்விகுறித்தான அறிவற்றவராகவோ நினைக்கவேண்டாம். பெருந்தன்மையோடு நடந்து கொள்ளுங்கள்.



நீங்கள் கேட்கும் முறையான கேள்வியில்தான் உங்களுக்குச் சாதகமான பதில் கிடைக்கும்.

கணியனும், பரதனும் நண்பர்கள். இருவருக்கும் புகைபிடிக்கும் பழக்கம் இருந்தது. இருவரும் மதகுரு ஒருவரிடம் சென்றனர். கணியன் மதகுருவிடம் சென்று 'இறைவனை நோக்கிப் பிரார்த்தனை செய்யும்போது, புகைப்பிடிக்கலாமா?' என்று கேட்டதற்கு 'தவறு மகனே, இறைவனை தூய மனதுடன், தீய செயற்பாடுகளின்றித்தான் பிரார்த்திக்கவேண்டும்' என்றார். பின்னர் பரதன் அதே மதகுருவிடம் சென்று 'நான் புகைபிடித்துக்கொண்டிருக்கும்போது இறைவனைப் பிரார்த்திக்கலாமா?' என்று கேட்டதற்கு, 'தாராளமாக மகனே, இறைவனைப் பிரார்த்திப்பதற்கு காலநேரம் பார்க்கத் தேவையில்லை' என்றார்.

கேள்விகள் கேட்பதில், கேட்கும் முறையில் எம் வளர்ச்சி தங்கியிருக்கிறது.

பி.கு : பதிவு கேள்விகள் சம்மந்தப்பட்டாகையால், இலகுவான விளங்குகைக்காக குட்டிக்கதை மதம், இறைவன் சம்மந்தப்பட்டிருக்கிறது. இறைவன் இருக்கின்றது என்றோ, மதகுரு என்பவர் தூய்மையானவர் என்றோ, பிரார்த்திப்பதால் நாடும் வீடும் நலம்பெறும் என்றோ யாரும் முடிவெடுத்துக்கொள்ள வேண்டாம். அவை குறித்தும் கேள்விகளைத் தொடுங்கள். தெளிவு பெறுங்கள்.

பிரியமுடன்,
மதுவதனன் மௌ - கௌபாய்மது

அன்புக்குரியவர்கள்: இதுக்குரிய ஹார்மோன் சுரக்கிறது குறைவு

ஆசைக்குரியவர்: இதுக்குரிய ஹார்மோன் நிறைய சுரக்கிறது.

இலவசமாய் கிடைப்பது: இலவசச் சாப்பாடு எண்டு உலகத்தில எதுவும் இல்லை (There is nothing called free lunch)

ஈதலில் சிறந்தது: கடவுளுக்கு ஈயாதிருப்பது.

உலகத்தில் பயப்படுவது: மதங்களைக் கண்டு.

ஊமை கண்ட கனவு: அது ஒன்றும் ரகசியமில்லை

எப்போதும்உடனிருப்பது: இரண்டு செல்பேசிகள்

ஏன் இந்த பதிவு: தொடர்பதிவுப் ஃபோபியா இதைக் கண்டு வரவில்லையாதலால்

ஐஸ்வர்யத்தில் சிறந்தது: அந்தந்த நிலையைப் பொறுத்து

ஒரு ரகசியம்: நாங்களெல்லாம் ஊத்தையில இருந்து வந்தனாங்களாம் - குர்ஆன், பைபிள் சொல்லுது.

ஓசையில் பிடித்தது: வேலை முடிந்து மடிக்கணினியை மூடும் டிக் ஓசை

ஔவை மொழி ஒன்று: மெல்லி நல்லாள் தோள்சேர்.

(அ)ஃறிணையில் பிடித்தது(வை) : உயர்திணையை வலிந்து தமதாக்கிக் கொண்டோர்

A – Available/Single? : Single and Available

B- Best Friend?: சந்தர்ப்பங்கள் தீர்மானிக்கின்றன

C- Cake or Pie ?: American Pie

D – Drink of choice? : Other than beer

E – Essential item you use every day? : Google

F – Favorite color? : எந்தக் கலர் எண்டாலும் எல்லாப் பொம்புளைப் பிள்ளைகளையும் பிடிக்கும்.

G – Gummy Bears Or Worms?: எது எடுத்தாலும் Big City இல 100 கிராம் 100 ரூபா.

H – Hometown? : பிறந்ததா, வாழ்ந்ததா, கூட நாள் வாழ்ந்ததா?

I – Indulgence? : அந்தாள் செய்யிறதுக்கெல்லாம் எங்க போறதாம்.

J – January or February? உடனிருந்தால் எதுவும்

K – Kids & their names? : இல்லாத மாட்டில எத்தனை லீற்றர் பால் கறக்கலாம்?

L – Life is incomplete without? : விஞ்ஞானம்

M – Marriage date? : Marriage க்குப் பிறகுதான் dating

N – Number of siblings? : எண் கணித சாத்திரத்தை நம்புதல் அழகல்ல.

O – Oranges or Apples? : ஓசியா வந்த Orange Phone உம், அன்பளிப்பா வந்த Apple iPod உம்

P – Phobias/Fears? : வலையுலகில தடுக்கி விழுந்தா விருதுகளுக்கு மேல விழுந்துடுவனோ..

Q – Quote for today?: ஒவ்வொரு நாளும் Quote தேடாதே.

R – Reason to smile? : ஆராவது இப்பிடிக் கேட்டா சிரிப்பு வந்துடும்

S – Season? : இரவில் குளிர் பகலில் வெயில்

T – Tag 4 People? : :-D

U – Unknown fact about me? : Thinking..

V – Vegetable's you don't like? : சோயா இறைச்சி

W – Worst habit? : Habit of worst thinking

X – X-rays you've had? : விழுந்து முழங்கால் நோவந்து

Y – Your favorite food? : முந்திரிக் கொட்டை

Z – Zodiac sign? : என்னாது?

அழைத்த நிலாவுக்கு நன்றிகளுடன்

பிரியமுடன்,
மதுவதனன் மௌ. | கௌபாய்மது.

இணையத்தில் மெய்மறந்து என்னவோ செய்துகொண்டிருப்போம். எங்கள் பிள்ளையோ அல்லது தம்பி தங்கைகளோ வந்தால் "இப்ப உனக்கு என்ன வயது இன்ரநெற் எல்லாம் தேவையில்லை" என்று கூறி தவிர்த்துவிடுவோம் (எல்லோரும் அப்படியல்ல சும்மா கீழே விடயத்தைச் சொல்ல ஒரு பில்டப்பு). இதனால் அவர்களும் இன்ரநெற் மீதான ஆர்வத்தால் இணைய உலாவு நிலையங்களுக்குக் சென்று தவறான கையாள்கைக்கான சந்தர்ப்பத்தை அளிக்கிறோம். அதைவிடுத்து இணையத்தைக் குழந்தைகள் எவ்வாறு பயனுள்ள வழியில் பயன்படுத்தலாம் என்பதை சொல்லத்தவறி விடுகிறோம்.

இதோ, உங்கள் குழந்தைகளுக்கு இணையத்தை பயனுள்ள வழியில் காட்ட சில இணையத்தளங்களைப் பட்டியலிடுகிறேன்.

சின்ன வயதிலேயே கலைகள் பற்றிய விவரணத்தை இந்த இணையம் வாயிலாகக் கொடுத்தீர்களால் பிள்ளைக்கு வளரும்போது தான் எதைத் தேர்ந்தெடுக்க வேண்டும் என்ற அறிவு தானாக வரும். நீங்கள் விரும்பியதைப் புகுத்தாமல் தானே தேர்ந்தெடுத்து அதிலேயே ஜெயித்தும் காட்டும் அந்த குட்டி.

மதங்களைப் போலல்லாது காலத்துக்குக் காலம் மாறி தன்னைத்தானே திருத்திக்கொண்டு மனிதனையும் சிறப்பாக வழிநடத்திக்கொண்டிருக்கும் விஞ்ஞானத்தை உங்கள் குழந்தைகளுக்குச் சொல்லிக் கொடுக்காது விட்டீர்களானால் நாளைக்கு நண்பர்கள் மத்தியிலே அசடு வழியும். வேண்டாம் அந்த நிலை... இப்போதே ஆரம்பியுங்கள் விஞ்ஞானத்தைப் புகுத்த.

எல்லாமே இயற்கையின் தெரிவு. நாம்தான் ஏதோ சிறு சறுக்கலில் இயற்கையை மீறி என்னென்னவெல்லாமோ பண்ணிக்கொண்டிருக்கிறோம். ஆனாலும் இயற்கை மற்றும் இன்றும் இயற்கைவழி நடக்கும் ஏனைய மிருகங்கள் பற்றி அறிவது சுவாரசியம் எம்மைப் பற்றிய அறிவையும் வளர்க்கும். பிள்ளைகளோடு சேர்ந்து நீங்களும் படியுங்கோ.

இரண்டு வயதுக் குழந்தைக்கு வயது வந்த மனிதனொருவனைப் போல இருமடங்கு மூளை இணைப்புக்கள் இருக்கும். அதாவது சின்ன வயதிலேயே மூளையின் வளர்ச்சி வீதம் அதிகம். அத்துடன் அந்த வயதில் மூளை உள்வாங்குபவைகளே பின்னாளின் பிரதிபலிப்புக்கள்.

நீங்கள் பாடிக்காட்டியே பயந்து போன (:-D) பிள்ளைக்கு கொஞ்சம் இசையையும் கற்றுக் கொடுங்கோ.

மதுவதனன் மௌ (aka) கௌபாய்மது.

நான்கைந்து பதிவர்கள் நியாபகம் என்ற சொல்லைப் பயன்படுத்துவதைப் பார்த்திருக்கிறேன். ஐயனார் அய்யனாராவதற்கும், ஔவையார் அவ்வையாராவதற்கும் ஒலிக்குறிப்பு ஒற்றுமையை காரணம் காட்டலாம் பிழையானதெனினும்கூட. ஞாபகம் எவ்வாறையா (எவ்வாறய்யா அல்ல) நியாபகம் ஆகிறது. உங்களது நீண்டகாலப் பழக்கம் நியாபகம் என்ற இல்லாத; தவறான சொல்லை ஞாபகம் என மாற்றக் கஷ்டப்படுத்தலாம். ஆனால் உங்கள் குழந்தைகளுக்கும் அவ்வாறே சொல்லிக் கொடுக்காதீர்கள்.

இந்தத் தலையங்கத்தில் நிறையப் பதிவுகளைப் பார்த்திருக்கிறேன். ஆனால் நானும் மணியால் இந்தப் விளையாட்டுக்கு அழைக்கப்பட்ட பின்னர்தான் அது என்ன என்று ஆராயவிழைந்தேன்.

பின்னோக்கிப் பின்னோக்கிச் சென்று விளையாட்டின் ஆரம்பத்தைப் பிடிப்போமென்றால் முடியவில்லை. யாராவது இந்த A for Apple இன் ஆரம்பத்தைச் சொன்னால் நலம். எப்படி இந்த உபயோகமான விளையாட்டு ஆரம்பித்தது இப்போது எப்படி மாறியிருக்கிறது என அறிய அவா, அவ்வளவுதான். இரண்டு மூன்று நாட்களில் நானும் பங்குகொள்கிறேன்.

இந்த நல்ல விளையாட்டை நினைக்க ஆங்கிலப் பகிடி ஒன்று நினைவுக்கு வருகிறது.

Customer care இற்கு தொலைபேசியில் அழைப்பு வருகிறது...
"உங்களது பெயரையும் தொலைபேசி இலக்கத்தையும் சொல்லுங்கள்"
"பெயர்...Appappa.."
"விளங்கவில்லை..."
"Appappa...a for apple, p for pineapple, p for pineapple,
a for apple, p for pine.. "
"ஐய..மொத்தமா எத்தனை ஆப்பிள், எத்தனை பைனாப்பிள்
என்று சொல்ல முடியுமா?"
           - ரீடர்ஸ் டைஜஸட் உபயம்

நாற்றம் என்பதுதான் எழுத்துவழக்காக இருப்பினும் நாத்தம் எனும் பேச்சுவழக்குக்கு வீச்சு அதிகம்தான் (நியாபகம் என்பது பேச்சு வழக்கல்ல). நாற்றம் பிடித்தவனே என்பதை விட நாத்தம் புடிச்சவனே என்பதில் effect இருக்கிறது.

சரி, இப்ப விடயம் என்னவென்றால் எங்கட பாதங்களில வழமையாக குஜாலா இருந்துகொண்டிருக்கும் சாதாரண பாக்டீரியாக்கள் நாங்கள் காலறையைப் போட்டால் வாற ஈரப்பதம் கண்டால் கூட்டமாச் சேந்து கும்மி அடிச்சு (எங்கட வலைப்பதிவர்கள் அடிக்கிறத விடக் கம்மிதான்) துர்நாற்றமுடைய சல்போரஸ் விளைவொன்றை வெளியேற்றுவார்கள் (says Doris J. Day, M.D., an assistant professor of dermatology at New York University).

இதை நீக்க என்ன செய்யலாம்... காட்டன் (cotton ) காலுறைகளையும், மூச்சுவிடக்கூடிய சப்பாத்துக்களையும் பாவியுங்கள் என்கிறார் அவர். அதாவது அணியும் சப்பாத்து காற்றை உள்வாங்கக் கூடிய பதார்த்தங்களால் (தோல் மற்றும் துணிவகை) ஆனதாக இருக்கவேண்டும். காலுறையை அணியும் முன் ஈரப்பதனுறிஞ்சும் பவுடர்களை பாதத்திற்குப் போட்டுக்கொள்ளலாம். இந்த நாத்தப் பிரச்சினை அதிகமாக உள்ளவர்கள் வாரத்துக்கு மூன்று இரவுகளில் தேயிலை ஊறிய நீரில் பாதங்களை சிறிது நேரம் ஊற வைக்கவேண்டும். தேயிலையிலுள்ள டனிக் அமிலம் (Tannic acid) காலின் துர்நாற்றத்தைப் போக்கும். இதுக்கு மேலயும் பிரச்சினை எனின் வைத்தியர் ஒருவருடன் கலந்தாலோசிப்பதே சிறப்பு.

மதுவதனன் மௌ.

"என்ன நீங்கள், இண்டைக்கு ஞாயிற்றுக்கிழமைதானே கொஞ்சம் கூடநேரம் படுக்கவிடமாட்டீங்களா?"

மெத்தையில் படுத்தபடி கேட்டவளை நினைக்க கொஞ்சம் கோபம் வரத்தான் செய்தது. பின்னே என்ன, அதிகாலை ஐந்துமணிக்கே எழும்பி ஞாயிற்றுக்கிழமை என்றாலும் கூட ஏழு மணிக்கு வெளியில் செல்லவேண்டிய தேவை இருந்ததால் வீட்டைச் சுத்தப்படுத்தி, ஃபிரிஜ்ஜில் இரவே ஊறப்போட்டிருந்த மாவில் எனக்கும் அவளுக்கும் போதுமான தோசை சுட்டு, சின்னதாய் ஒரு சாம்பாரும் செய்துவிட்டு இறுதியில காப்பி போட்டுக்கொண்டுவந்து அவளை எழுப்பினால் இப்படிச் சொல்கிறாள்.

ஆணாக நான் இவ்வளவு வேலைகளும் செய்கிறேனே ஒத்தாசைக்கு ஒரு உதவிகூடச் செய்யக் கூடாதா என மனம் நினைத்தாலும், அவள் வந்த காலத்திலிருந்து அப்படித்தான், நானும் நன்றாக இடம் கொடுத்துவிட்டேன். ஐந்து வருடம் காத்திருந்து காதலித்த முகம், அவள் என்ன சொன்னாலும் அவளது முகம் என்னை கீழ்ப்படிய வைத்துவிடுகிறதே. அவள் மேலுள்ள பாசம் வேறு அவளைக் கஷ்டப்படுத்த விடமாட்டேன் என்கிறது.

ஞாயிற்றுக்கிழமை எண்டாலே வழமையா இப்படித்தான். மெத்தையை விட்டு எழும்ப ரொம்ப நேரமாகிவிடும்.

"காப்பி போட்டுக்கொண்டந்து வைத்திருக்கிறேன், குடிச்சிட்டுப் படு"


"ஹையா...என்ர செல்ல அப்பா, ரொம்ப தாங்க்ஸ்"

என் செல்ல மகள் வைஷ்ணவியின் இந்தக் கெஞ்சல்களிலேயே என் வாழ்க்கை ஓடிக்கொண்டிருக்கிறது. ஐந்து வருடம் காத்திருந்து காதலித்து கரம்பிடித்த என் அன்பு மனைவி அபர்ணா தனது அழகிய முகச் சாயலிலேயே ஒரு குழந்தையைத் தந்துவிட்டு அன்றே உலகைவிட்டுப் போய் ஏழு வருடங்கள் ஆகிவிட்டன்.

அன்றிலிருந்து வைஷூ குட்டியே எனது வாழ்க்கை; அவளது செல்லக் கெஞ்சல்களே எனது சக்தி; உடல் களைப்பில் மனம் என்னதான் நினைத்தாலும் அவளுக்குக் கடமை செய்வதிலேயே எனக்குச் சந்தோசம்.

"அப்பா, காப்பி இண்டைக்கும் நல்ல டேஸ்ட், இன்னும் கொஞ்ச நாளில அப்பாவுக்கு இந்த வைஷூ காப்பி போட்டுத்தருமாம்"

நான் ஒன்றும் சொல்லவில்லை, குண்டுக் கன்னங்களைக் கிள்ளிவிட்டு புன்னகைத்தேன்.

பி.கு : அன்று ஞாயிற்றுக் கிழமை ஏழு மணிக்கு வெளியில் போகவேண்டியதேவையாலும் மேட்டர் கொஞ்சம் சீரியஸா இருந்ததாலயும் கொஞ்சம் சலிப்பு வந்திருந்தது.

- மதுவதனன் மௌ. -

எங்கட குடும்பத்துக்கு ஒரு கிழமைக்கு சாப்பாட்டுக்கு எவ்வளவு காசு செலவழிக்கறம் என்னென்ன வாங்குறம் எண்டு தெரியும். மற்ற நாடுகளில எப்படி அவங்கள் சாப்பிடுறாங்கள் எண்டு CNN TIME ஆராய்ந்திருக்கிறது. அவற்றைக் கீழ பாருங்கோ.

ஆங்கிலத்திலேயே போட்டால் நல்லாயிருக்கும் போல் தோணிச்சுது. அப்பிடியே போட்டிருக்கறன். இந்தியா இருக்குது. எங்கட இலங்கை இதுக்குள்ள வரேல்ல :(

1. Japan: The Ukita family of Kodaira City
Food expenditure for one week: 37,699 Yen or $317.25
Favorite foods: sashimi, fruit, cake, potato chips

2. Italy: The Manzo family of Sicily
Food expenditure for one week: 214.36 Euros or $260.11
Favorite foods: fish, pasta with ragu, hot dogs, frozen fish sticks
3. Chad: The Aboubakar family of Breidjing Camp
Food expenditure for one week: 685 CFA Francs or $1.23
Favorite foods: soup with fresh sheep meat

4. Kuwait: The Al Haggan family of Kuwait City
Food expenditure for one week: 63.63 dinar or $221.45
Family recipe: Chicken biryani with basmati rice

5. United States: The Revis family of North Carolina
Food expenditure for one week: $341.98
Favorite foods: spaghetti, potatoes, sesame chicken
6. Mexico: The Casales family of Cuernavaca
Food expenditure for one week: 1,862.78 Mexican Pesos or $189.09
Favorite foods: pizza, crab, pasta, chicken

7. China: The Dong family of Beijing
Food expenditure for one week: 1,233.76 Yuan or $155.06
Favorite foods: fried shredded pork with sweet and sour sauce
8. Poland: The Sobczynscy family of Konstancin-Jeziorna
Food expenditure for one week: 582.48 Zlotys or $151.27
Family recipe: Pig's knuckles with carrots, celery and parsnips
9. Egypt: The Ahmed family of Cairo
Food expenditure for one week: 387.85 Egyptian Pounds or $68.53
Family recipe: Okra and mutton
10. Ecuador: The Ayme family of Tingo
Food expenditure for one week: $31.55
Family recipe: Potato soup with cabbage

11. United States: The Caven family of California
Food expenditure for one week: $159.18
Favorite foods: beef stew, berry yogurt sundae, clam chowder, ice cream
12. Mongolia: The Batsuuri family of Ulaanbaatar
Food expenditure for one week: 41,985.85 togrogs or $40.02
Family recipe: Mutton dumplings

13. Great Britain: The Bainton family of Cllingbourne Ducis
Food expenditure for one week: 155.54 British Pounds or $253.15
Favorite foods: avocado, mayonnaise sandwich, prawn cocktail, chocolate fudge cake with cream
14. Bhutan: The Namgay family of Shingkhey Village
Food expenditure for one week: 224.93 ngultrum or $5.03
Family recipe: Mushroom, cheese and pork
15. Germany: The Melander family of Bargteheide
Food expenditure for one week: 375.39 Euros or $500.07
Favorite foods: fried potatoes with onions, bacon and herring, fried noodles with eggs and cheese, pizza, vanilla pudding
16. Australia: The Browns of River View
Food expenditure for one week: 481.14 Australian dollars or US$376.45
Family Recipe: Marge Brown's Quandong (an Australian peach) Pie, Yogurt
17. Guatemala: The Mendozas of Todos Santos
Food expenditure for one week: 573 Quetzales or $75.70
Family Recipe: Turkey Stew and Susana Perez Matias's Sheep Soup
18. Luxembourg: The Kuttan-Kasses of Erpeldange
Food expenditure for one week: 347.64 Euros or $465.84
Favorite Foods: Shrimp pizza, Chicken in wine sauce, Turkish kebabs
19. India: The Patkars of Ujjain
Food expenditure for one week: 1,636.25 rupees or $39.27
Family Recipe: Sangeeta Patkar's Poha (Rice Flakes)
20. United States: The Fernandezes of Texas
Food expenditure for one week: $242.48
Favorite Foods: Shrimp with Alfredo sauce, chicken mole, barbecue ribs, pizza

21. Mali: The Natomos of Kouakourou
Food expenditure for one week: 17,670 francs or $26.39
Family Recipe: Natomo Family Rice Dish

22. Canada: The Melansons of Iqaluit, Nunavut Territory
Food expenditure for one week: US$345
Favorite Foods: narwhal, polar bear, extra cheese stuffed crust pizza, watermelon
23. France: The Le Moines of Montreuil
Food expenditure for one week: 315.17 euros or $419.95
Favorite Foods: Delphine Le Moine's Apricot Tarts, pasta carbonara, Thai food

24. Greenland: The Madsens of Cap Hope
Food expenditure for one week: 1,928.80 Danish krone or $277.12
Favorite Foods: polar bear, narwhal skin, seal stew

25. Turkey: The Celiks of Istanbul
Food expenditure for one week: 198.48 New Turkish liras or $145.88
Favorite Foods: Melahat's Puffed Pastries
நீங்கள் ஒப்பிட்டுப் பாக்குறதுக்கு சுகமா இஞ்சை வரிசைப்படுத்தியிருக்கிறன், பாருங்கோ.

ஒரு கிழமைக்கான உணவுச் செலவு.

1. ஜெர்மனி $500.07
2. லக்ஸம்பேர்க் $465.84
3. பிரான்ஸ் $419.95
4. ஆஸ்திரேலியா $376.45
5. கனடா $345
6. அமெரிக்கா $341.98 கரோலினா
7. ஜப்பான் $317.25
8. கிரீன்லாந்து $277.12
9. இத்தாலி $260.11
10. பிரித்தானியா $253.15
11. அமெரிக்கா $242.48 டெக்ஸாஸ்
12. குவைத் $221.45
13. மெக்சிகோ $189.09
14. அமெரிக்கா $159.18 கலிபோர்னியா
15. சீனா $155.06
16. போலந்து $151.27
17. துருக்கி $145.88
18. கௌதமாலா $75.70
19. எகிப்து $68.53
20. மொங்கோலியா $40.02
21. இந்தியா $39.27
22. ஈக்குவடோர் $31.55
23. மாலி $26.39
24. பூட்டான் $5.03
25. சாட் $1.23
    

குடும்பத்தில இருக்கிற உறுப்பினர்களின் எண்ணிக்கையையும் போடுவம் எண்டா, நேரம் இல்லாமக் கிடக்குது. நீங்கள் அதையும் பாத்துக்கொள்ளுங்கோ.

இதை உறுதிப்படுத்திப் பாக்கோணுமெண்டா இந்த CNN TIME இணைப்புகளுக்குப் போய்ப் பாருங்கோ.

• இணைப்பு1
• இணைப்பு2

கல்யாணத்திற்கு முன்னரும், கல்யாணத்திற்குப் பின்னரும் எப்படி ஆணும் பெண்ணும் இருப்பார்கள் என்பதை அறிய விருப்பமா? கீழே வாசியுங்கள்...


க.மு இருக்கிறது, சரி க.பி எங்கே எனத் தேடவேண்டாம். அப்படியே கீழிருந்து மேலே வாசியுங்கள். அவ்வளவுதான்.

அனுபவப் பட்டவர்கள் இதன் உண்மைத் தன்மையையும், அனுபவிக்கப் போகிறவர்கள் ஏதாவது தீர்வுகளையும் பின்னூட்டங்களில் வீசிச் செல்லாம்

சில வேளைகளில் உங்க பெண்தோழி(அதாங்க கேர்ள்பிரண்ட்) எதுக்கெடுத்தாலும் கூச்ச சுபாவமா இருந்து அந்த தோழியுடனான நட்பு உடைஞ்சு மனமொடிஞ்சு போயிருங்கிறீங்களா? வாங்க எப்படி அப்படிப்பட்ட பெண்களுடன் நட்பை நீடிக்கச் செய்யிறது என்று பார்ப்போம்.

1. முதல்ல எந்தெந்த வகையான் கூச்ச சுபாவம் உங்க தோழிக்கு இருக்கு என்று கணித்துக் கொள்ளுங்க.

• நீங்க கதைக்கும்போது உங்க தோழி பயந்த மாதிரி இருந்தா அல்லது பின்னாடி பின்னாடி போனா அல்லது வேறெங்கோ பார்த்துக்கொண்டு கதைத்தா தோழி 'கதைத்தலுக்கு கூச்சம் உடையவர்'.
• உங்களோடு சரளமாக கதைக்கிறா, ஆனா தனது கடந்தகாலம் பற்றி மூச்சுகூட விடுவதாக இல்லை எனின் தோழி 'வெளிப்படையா இருக்க கூச்ச சுபாவம் உடையவர்'. இதன்போது நீங்க, உங்க தோழி தான் யார் என்பதை மறைப்பது போல உணர்வீர்கள். ஆனா உங்க தோழியின் கடந்த காலத்தில அவ சிலவேளைகளில் எங்காவது காயப்பட்டிருக்கலாம். அதைப் பற்றி கதைக்க அவ பயப்படலாம்.
• நீங்க உங்க தோழியை தொடும்போது அவ பின்வாங்கினாலோ அல்லது எதிர்மறையான சமிக்ஞை (அதாங்க சிக்னல்) யை காட்டினாலோ, தோழி 'உடல் ரீதியா கூச்ச சுபாவம் உடையவர்'.

2. ஏன் உங்க தோழி கூச்ச சுபாவமுடையவர் என ஆழ்ந்து சிந்தியுங்கள். அதற்கான காரணத்தை அறிய முயற்சியுங்கள். காரணத்தை அறிந்த பின் தோழியுடன் அதைப்பற்றி கதையுங்கள்.

3. உங்க தோழி பயப்படாத வகையில் மென்மையா கதையுங்க(முரட்டு ஆண்களைத்தான் பெண்களுக்குப் பிடிக்கும் என்பதெல்லாம் கப்ஸா. சினிமாவுக்குத்தான் பொருந்தும்).

• நீங்க உங்க காதலை தோழியிடம் வெளிப்படுத்தப் போறீங்க என்றால் ரொம்ப ஜாக்கிரதையா, நீங்க கதைக்கிற நேரம் சரியானதா, அவ நீங்க கதைக்கிறதில ஆர்வமா இருக்கிறாரா, அவ பதிலளிக்க விரும்புகிறாரா என்றெல்லாம் அவதானியுங்கள்.(இந்த ஜட்ச்மெண்ட் பிழைச்சா அப்புறம் ரொம்ப கஷ்டப்படுவீங்க.)
• உங்கமேல பழிபோடாத வகையிலும், உங்க மனநிலையைப் புரிந்து கொள்ளக்கூடியவாறும் ஒரு கேள்வியோட உங்க உரையாடலை ஆரம்பியுங்க. "ஏன் நீங்க என்னோட கதைக்கிறதே இல்லை?" போன்ற அல்பமான கேள்விகளை விடுத்து "சந்தியா, நீங்க எதைப்பற்றியாவது என்னோட கதைக்கவேண்டி இருக்கா?" என்று கேட்பது நலம்.

4. தோழியோட நம்பிக்கைக்கு பாத்திரமானவரா இருக்க முயற்சி பண்ணுங்க. (முயற்சியே ஒழிய நாடகமெல்லாம் போட்டு நடிச்சுடாதேங்க. பின்னாளில் ரொம்ப பாதிச்சுடும்.)

• வெளிப்படையாவும், உண்மையாவும் கதையுங்க. நீங்க பின்பால் (Pinball) விளையாடியிருக்கிறீங்களா? அதிலுள்ளதுபோல இந்த வகையான் உரையாடல் உங்களுக்கு போனஸ் சந்தர்ப்பம் ஒன்றை வழங்கும்.

5. நீ்ங்க இருவரும் உரையாடல்களில் ஒருவரை ஒருவர் புரிந்துகொண்டபின், தொடுகைரீதியான உறவுக்கு போங்க. மென்மையாகவும், அரவணைப்புடனும், நேர்மையுடனும் தோழிய நெருங்குங்க. அவங்களோட முன்னங்கையை மெதுவாகப் பிடித்து நல்ல விடயங்களை பற்றி, உங்க எதிர்காலம் பற்றி ரொம்ப உரையாடுங்க.

6. இதுக்குமேல என்னங்க? தோழியோட நல்ல வாழ்கையை ஆரம்பிச்சாச்சு. சந்தோசமா இருங்க.


பி.கு:

1. உங்க தோழியோட பெயர் ரம்யாவா இருக்கப்போய் "சந்தியா, நீங்க எதைப்பற்றியாவது என்னோட கதைக்கவேண்டி இருக்கா?"ன்னு கேட்டு காரியத்தை கெடுத்துடாதீங்க. சந்தியான்னு வர்ற இடத்தில உங்க தோழியோட பெயரை போட்டுக்கோங்க. :)
2. இந்த ஆறு படிமுறைக்கப்புறம் அதாவது திருமண வாழ்க்கையில பிரச்சினை ~X( வர்றப்போ "எங்கடா அந்த பயல் கௌபாய்மது, நம்பள மாட்டிவிட்டுட்டானே"ன்னு கூச்சல் போடாதீங்க.
3. இந்த அட்டு பிகருக்கு என்னென்னவெல்லாம் பண்ணவேண்டியிருக்கு:pன்னு ஆஹா எப்.எம்ல வர்ற விளம்பரம் மாதிரி feel பண்ணாதீங்க.